मुक्तिनाथ विकास बैंक लिमिटेडले आफ्ना भिसा डेबिट कार्डबाहक तथा मोबाइल बैंकिङ प्रयोगकर्ता ग्राहकले विभिन्न व्यावसायिक संस्थाका सेवामा छुट पाउने सम्झौता गरेको छ । बैंकले डिजिटल माध्यमबाट कारोबार गर्न प्रोत्साहन गर्ने उद्देश्यले यस्तो व्यवस्था गरेको हो ।
ग्राहकले ब्लुक्रस अस्पतालको स्वास्थ्य सेवा र धुलिखेल माउन्टेन रिसोर्टमा १० प्रतिशत छुट पाउने सम्झौता भएको बैंकले जनाएको छ । त्यस्तै, नगरकोटको स्तुपा रिसोर्ट, खोटाङको जम्बाला रिसोर्ट, काठमाडौं, पोखरा र चितवनका ल्यान्डमार्क होटेल तथा काठमाडौंको ओडान ग्रुप अफ कम्पनीको रेस्टुरेन्टमा १५ प्रतिशत छुट पाउने सम्झौता गरिएको जनाइएको छ । त्यस्तै, काठमाडौंको देव कर्नर ज्वेलरीमा गरगहनासम्बन्धी सेवामा ३० प्रतिशतसम्म छुट पाउने सम्झौता पनि भएको बैंकले जनाएको छ ।
विभिन्न संस्थासँग हातेमालो गर्दै कोभिड–१९ को संक्रमणबाट सुरक्षित भई डिजिटल बैंकिङ कारोबार बढाउने कार्यमा यस्ता सम्झौताले थप प्रोत्साहन गर्ने अपेक्षा लिएको बैंकले जनाएको छ ।
