सिद्धार्थ बैंक लिमिटेडको डिजिटल माध्यम प्रयोग गरी भुक्तानी गर्दा ग्राहकले पोखराको लेकसाइडस्थित वरपिपल रिसोर्टमा १५ प्रतिशतसम्म छुट पाउने भएका छन् । बैंक र रिसोर्टले ग्राहकलाई विभिन्न सेवामा विशेष छुट दिने गरी सम्झौता गरेका हुन् । सम्झौतापत्रमा बैंकका गण्डकी प्रदेश प्रमुख नीरज श्रेष्ठ र वरपिपल रिसोर्टका सञ्चालक एवं निर्देशक अमरजंग गुरुङले हस्ताक्षर गरे ।
सम्झौताअनुसार रिसोर्टमा ग्राहकले भुक्तानी गर्दा सिद्धार्थको डेबिट, क्रेडिट, प्रिपेड कार्ड, मोबाइल बैंकिङमार्फत भुक्तानी गर्दा १० प्रतिशत, साधारण कार्ड वा मोबाइल बैंकिङबाट भुक्तानी गर्दा १० प्रतिशत, बैंकको नारी डेबिट कार्ड र प्लेटिनम क्रेडिट कार्ड प्रयोग गरी भुक्तानी गर्दा १५ प्रतिशतसम्मको विशेष छुट पाउने सम्झौता भएको हो ।
सञ्चालक गुरुङले पोखरा घुम्न आउने देशभरका ग्राहकले सुविधा प्रयोग गर्न सक्ने बताए । सम्झौताले पोखराको पर्यटन क्षेत्रमा टेवा पुग्ने बताउँदै गुरुङले देशभरका नागरिकलाई एकपटक पोखरा जाऊँ–जाऊँ लाग्ने र पोखरा आइहाले, सिद्धार्थ बैंकका ग्राहक छन् भने छुट सुविधा प्रयोग गर्न सक्ने बताए ।
