गाजामा इजरायली हवाई आक्रमणमा हमासका कमान्डरसहित सात लडाकु मारिएका इजरायली रक्षा बलले दाबी गरेको छ।
शुक्रबार दक्षिणी गाजा सहर खान युनिसमा इजरायली लडाकु विमानले हमासको सैन्यपरिसरमा आक्रमण गर्दा सात हमास लडाकुको मृत्यु भएको इजरायली सेनाले जनाएको छ।
मारिएकामध्ये अक्टोबर ७ मा गाजा क्षेत्रका समुदायमा इजरायलीहरूको नरसंहारमा भाग लिएका भनिएका हमासको बौद्धिक नुखबा बलका कमान्डर पनि रहेको बताइएको छ।
इजरायली सेनाले खान युनिसमा रहेको एके–४७ राइफल र आरपिजी लञ्चर जफत गरी हतियार भण्डारण केन्द्र ध्वस्त पारेको दाबी गरेको छ।
मगाजीको मध्यभागमा इजरायली सेनाले तीनजना सशस्त्र लडाकु हमासको सैन्यपरिसरबाट बाहिर निस्केर आफूतिर अघि बढिरहेको देखेपछि आक्रमण गरेको थियो।
गत अक्टोबर ७ मा गाजाको सीमानजिकै दक्षिणी इजरायलमा रहेको इजरायली समुदायमाथि हमासले गरेको आक्रमणमा परी कम्तीमा एक हजार एक सय ४० व्यक्तिको मृत्यु भएको इजरायली पक्षले पुष्टि गरेको थियो।
गाजामा हमासले बन्धक बनाएका पुरुष, महिला, बालबालिका, सैनिक र विदेशीको संख्या अहिले एक सय ३६ रहेको अनुमान गरिएको छ।
इजरायली अधिकारीहरूले शवहरूको पहिचान र मानव अवशेषहरूको खोजी जारी राखेको र उक्त दिनदेखि अहिलेसम्म अन्य केही व्यक्तिहरू पनि सम्पर्कमा नआएको बताएका छन्।
