दाङको तुलसीपुरमा रगत अभाव देखिएको छ। राप्ती प्रादेशिक अस्पताल तुलसीपुर परिसरमा रहेको कालिकादेवी रक्त सञ्चार केन्द्रमा रगत अभाव भएको हो।

चाडपर्वको समयमा रक्तदानको कार्यक्रम पनि नभएको र चुनावले गर्दा पनि उक्त रक्त सञ्चार केन्द्रमा बुधबार एउटा मात्रै रगत थियो। ‘चाडपर्वमा रक्तदान गर्ने कार्यक्रम रहेन,’ रक्त सञ्चार प्रमुख नरेश चौधरीले भने, ‘रगत माग गर्ने बिरामी चाडपर्वकै समया आउनुभयो, त्यसैले गर्दा पनि रगत अभाव रहन गयो।’ 

रगत अभाव भएपछि बुधबार दिउँसो मात्रै २७ जनाले रगत दान गरेका थिए। नेकपा (बहुमत) पार्टीका पदाधिकारीहरूले रगत दान गरेपछि भने रगतको आपूर्ति भएको हो।