- वि.सं २o७९ कार्तिक ८ मंगलबार
प्रधानमन्त्री शेरबहादुर देउवाले संयुक्त अधिराज्य बेलायतको प्रधानमन्त्री चयन हुन लागेका कन्जरभेटिभ पार्टीका नेता ऋषि सुनकलाई बधाई दिएका छन् ।
प्रधानमन्त्री देउवाले आज सामाजिक सञ्जाल ट्विटरमार्फत उनलाई यो महत्वपूर्ण जिम्मेवारीका लागि शुभकामना व्यक्त गरेका हुन् । देउवाले लामो समयदेखिको नेपाल–बेलायत सम्बन्धलाई अगाडि बढाउन उनीसँग काम गर्न आफू तत्पर रहेको पनि उल्लेख गरेका छन् ।
बेलायतका प्रधानमन्त्री लिज ट्रसले पद सम्हालेको ४५ दिनमै राजीनामा दिएपछि ४२ वर्षीय सुनक प्रधानमन्त्री बन्ने पक्का भएको हो । सन् १९८० मा साउथह्याम्पटनमा जन्मिएका सुनकका बाबुआमा भारतीय मूलका हुन् । उनीहरू पूर्वी अफ्रिकाबाट बेलायत गएका हुन् ।
