मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २०७९ मङ्सिर ११ आइतबार
  • Sunday, 27 November, 2022
नयाँ पत्रिका काठमाडौं
२०७९ असोज ११ मंगलबार १४:३८:००
Read Time : < 1 मिनेट
समाचार डिजिटल संस्करण

तराजु छोडेका रवीन्द्रले भोलिदेखि हलो बोक्ने

Read Time : < 1 मिनेट
नयाँ पत्रिका, काठमाडौं
२०७९ असोज ११ मंगलबार १४:३८:००

संचारकर्म छाडेर वैकल्पिक राजनीतिक शक्ति निर्माणको अभियानमा लागेका विवेकशील साझा पार्टीका निवर्तमान अध्यक्ष रवीन्द्र मिश्र भोलि राप्रपामा प्रवेश गर्ने भएका छन् । 

भोलि काठमाडौंमा एक कार्यक्रम आयोजना गरी राप्रपाले मिश्रलाई भित्र्याउन लागेको हो । मिश्रको नेतृत्वमा वृहत् ध्रुवीकरण समूहको नाममा विवकेशील साझाका केही नेता पनि राप्रपामा प्रवेश गर्न लागेको राप्रपाका एक नेताले जानकारी दिए । 

कमल थापालाई पराजित गरी राप्रपाको अध्यक्षमा राजेन्द्र लिङ्देन निर्वाचित भएपछि मिश्र उनीसँग लगातार संवादमा थिए । गत स्थानीय तहको निर्वाचनमा आफू नेतृत्वको पार्टीले शर्मनाक पराजय व्यहोरेपछि मिश्रले अध्यक्ष पदबाट राजीनामा दिई साधारण सदस्य मात्र रहेका थिए । । हिजो साधारण सदस्यसमेतबाट राजीनामा दिएपछि उनी राप्रपा प्रवेश गर्न लागेका हुन् । 

राप्रपामा उनलाई सहअध्यक्ष पद दिने सहमति भइसकेको नेताहरूले बताएका छन् । मिश्र केही अघि नै राप्रपामा प्रवेश गर्न लागेको भए पनि उनले मागेअनुसारको पद टुंगिन नसक्दा ढिलो भएको हो । उनले अध्यक्ष लिङ्देनपछिको पद मागेका थिए । तर, राप्रपाका केही उपाध्यक्षले विरोध गरेपछि उनको पार्टी प्रवेश लम्बिएको हो । अन्ततः सहअध्यक्ष दिएर मिश्रलाई भित्र्याउन राप्रपाका सबै सहमत भएका छन् । 

राप्रपा प्रवक्ता मोहन श्रेष्ठले भोलि आयोजित कार्यक्रममार्फत् मिश्र राप्रपामा आउने जानकारी दिए ।