- वि.सं २o७९ भदौ १८ शनिबार
पश्चिम नवलपरासी जिल्लाको बर्दघाट नगरपालिका- १४ स्थित खजुरा खोलामा दिउँसो डुबेर एक बालकको मृत्यु भएको इलाका प्रहरी कार्यालय बर्दघाटले जनाएको छ। बर्दघाट नगरपालिका वडा नम्बर ७ बस्ने सीताराम चौधरीको छोरा अन्दाजी ९ वर्षको निखिल चौधरी घरबाट करिब १ किमि पूर्वतर्फ रहेको खजुरा खोलामा शनिबार पौडी खेल्ने क्रममा चौधरीको खजुरा खोलामा डुबेर मृत्यु भएको हो।
बर्दघाट प्रहरीका अनुसार मृतक चौधरीको शरीरलाई खोलाबाट स्थानीयले झिकी स्थानीय मेडिकलमा उपचारका लागि लैजाँदा स्वास्थ्यकर्मीले मृत घोषणा गरेको प्रहरीले जनाएको छ। घटनाको अनुसन्धान भइरहेको प्रहरीले जनाएको छ।
