विगतका कोरोना संक्रमणको लहरमा अत्यधिक प्रभावित भएको सुदूरपश्चिममा पछिल्ला केही दिनयता कोरोना संक्रमण दर बढेको छ । भारतबाट स्वदेश फर्कनेसँगै समुदायमा रहेका व्यक्तिहरूमा पनि संक्रमण देखिन थालेको हो । प्रदेशभरि हाल सक्रिय संक्रमितको संख्या चार सय ६६ छ ।
साउन पहिलो साताबाट यहाँ संक्रमण देखिन थालेको सुदूरपश्चिम प्रदेश स्वास्थ्य निर्देशनालयले जनाएको छ । निर्देशनालयका अनुसार केही दिनसम्म कैलाली, कञ्चनपुरमा मात्रै कोरोना संक्रमण देखिएको थियो, तर अहिले दार्चुलाबाहेक बाँकी सबै जिल्लामा सक्रिय संक्रमित छन् । संक्रमितमध्ये ६ जना अस्पताल भर्ना भएका निर्देशनालयले जनाएको छ । धनगढीको सेती प्रादेशिक अस्पतालमा उपचाररत पाँचजना संक्रमितमध्ये एकजनालाई भेन्टिलेटर र एकजनालाई आइसियूमा राखिएको छ ।
पछिल्लो २४ घन्टामा प्रदेशभरि ६१ जनामा कोरोना पजिटिभ देखिएको निर्देशनालयले जारी गरेको विज्ञप्तिमा जनाइएको छ । संक्रमित देखिनेमध्ये भारतबाट फर्कनेको संख्या धेरै छ । बुधबार संक्रमण देखिएका ६१ मध्ये ४१ जना भारतबाट फर्केकाहरू हुन् । गौरीफण्टा नाकामा परीक्षण गर्दा २१ जनामा, गड्डाचौकीमा १९ जना र जुलाघाट नाकामा एकजनामा संक्रमण देखिएको हो । यहाँ मंगलबार ४५ जना र सोमबार एक सयजनामा संक्रमण पुष्टि भएको थियो ।
कैलालीमा सबैभन्दा बढी दुई सय ४० जना र कञ्चनपुरमा एक सय ८९ जना सक्रिय संक्रमित छन् । अहिले भारतबाट फर्कने व्यक्तिमा पनि संक्रमण पुष्टि बढ्दो छ । तर, तथ्यांक हेर्दा त्योभन्दा बढी संख्यामा यहाँ रहेकै व्यक्तिमा कोरोना पुष्टि भइरहेको देखिन्छ ।
कोरोना संक्रमण दर बढ्न थाले पनि स्वास्थ्यमा जटिलता देखिएर उपचारका लागि अस्पताल भर्ना हुनेको संख्या भने विगतको तुलनामा न्यून छ । अहिले मृत्यु हुने दर पनि कम देखिएको छ । सेती प्रादेशिक अस्पतालका सूचना अधिकारी दिलीपकुमार श्रेष्ठका अनुसार परीक्षण गर्दा कोरोना संक्रमण देखिने दर बढे पनि अस्पताल भर्ना हुनेको संख्या भने न्यून रहेको छ । संक्रमितलाई स्वास्थ्यमा जटिलता नदेखिएको उनले बताए ।
प्रदेश स्वास्थ्य निर्देशक डा. जगदीश जोशीले संक्रमण फैलन नदिनका लागि सचेतना बढाउनेसँगै परीक्षणलाई पनि बढाइएको बताए । महामारी फैलिएको अवस्थामा त्यससँग जुध्नका लागि अस्पतालहरूमा अक्सिजन प्लान्ट, भेन्टिलेटर, शय्या, जनशक्ति थप्नेलगायत कामह्ररू भएका उनको भनाइ छ । संक्रमण बढ्दै गए पनि स्वास्थ्य सावधानी भने अपनाएको पाइँदैन । सुदूरपश्चिममा हालसम्म पाँच लाख ७४ जनामा परीक्षण गर्दा ६१ हजारमा कोरोना संक्रमण पुष्टि भएको निर्देशनालयको तथ्यांक छ । प्रदेशभरि कोरोना संक्रमणका कारण ६ सय ३४ जनाले ज्यान गुमाएका छन् ।
सुदूरपश्चिममा उकालो लाग्दै संक्रमणको ग्राफ
सुझावित समाचार
लागूऔषध खैरो हिरोईन जस्तो देखिने पदार्थसहित एक पक्राउ
लहान/ पूर्व पश्चिम लोकमार्ग अन्तर्गत सिराहाको गोलबजार नगरपालिका २ गागन खोला नजिकबाट प्रहरीले कडा खालको मानिने प्रतिबन्धित लागूऔ…
प्रधानमन्त्रीको भारत भ्रमण : अन्तिम समयमा हटाइयो ऊर्जामन्त्री श्रेष्ठको नाम
काठमाडाैं- प्रधानमन्त्री बालेन्द्र शाहको आसन्न भारत भ्रमणको प्रतिनिधिमण्डलको सूचीबाट ऊर्जामन्त्री विराजभक्त श्रेष्ठको नाम हटाइएको छ । …
तीन दिनमा तीन चिनियाँ नागरिक तस्करीको सुनसहित पक्राउ
काठमाडाैं- चिनियाँ नागरिक नेपालमा सुन तस्करीमा पुनः सक्रिय हुन थालेका छन् । पछिल्लो तीन दिनमा तीनजना चिनियाँ नागरिक तस्करीको…
भैँसे सुमो दुर्घटनाका मृतक र घाइतेको पहिचान खुल्यो
मकवानपुर । मकवानपुरको भीमफेदी गाउँपालिका– १, भैँसेमा भएको सुमो दुर्घटनाका मृत र घाइतेको पहिचान खुलेको छ। दुर्घटनामा…
बराह सहकारीका १७ हजार बचतकर्ताको पौने ११ अर्ब हिनामिना प्रकरण : मुद्दा चलेको २० महिनापछि पक्राउ परे मुख्य सञ्चालक
विराटनगर- धरानस्थित बराह बचत तथा ऋण सहकारी संस्थामा १० अर्ब ७३ करोड रुपैयाँ हिनामिना मुद्दा चलेको २० महिनापछि मुख्य सञ्चालक श…
मधेशमा नयाँ सरकार बनाउन काठमाडौंमा छलफल
मुख्यमन्त्री आफूले पाउनुपर्ने जसपाको दाबी, एमाले र नेकपा अझै अनिर्णीत जनकपुरधाम- मधेश प्रदेशमा नयाँ मुख्यमन्त्रीका लागि …