Skip This
Skip This
निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १२ बुधबार
  • Wednesday, 28 September, 2022
२०७९ श्रावण २९ आइतबार २३:५८:००
Read Time : < 1 मिनेट
समाचार डिजिटल संस्करण

जंगली जनावरको आक्रमणबाट दुईजनाको मृत्यु

Read Time : < 1 मिनेट
२०७९ श्रावण २९ आइतबार २३:५८:००

भेरीगंगा नगरपालिका– ५ सुर्खेत गेरवानीका दुईजनाको जंगली जनावरको आक्रमणबाट मृत्यु भएको छ । मृत्यु हुनेमा गेरवानी निवासी ४८ वर्षीय रामबहादुर चन्द र ६७ वर्षीय कवि वली छन् ।

जिल्ला प्रहरी कार्यालय सुर्खेतका सूचना अधिकारी डिएसपी सुरज कार्कीले बर्दिया राष्ट्रिय निकुञ्जनजिक रहेको बफर जोन (मध्यवर्ती क्षेत्र)को जंगलमा घाँस काट्न गएका वेला उनीहरूलाई जंगली जनावरले आक्रमण गरेको जानकारी दिए । 

‘उनीहरू आज आफ्नो घरदेखि तीन–चार सय मिटर पूर्वतर्फ बर्दिया राष्ट्रिय निकुञ्जनजिक रहेको बफर एरियामा घाँस काट्न गएका रहेछन्,’ डिएसपी कार्कीले भने, ‘उनीहरू अबेरसम्म नफर्किएपछि  आफन्तले दिउँसो साढे चार बजेतिर अस्थायी प्रहरी पोस्ट बबईमा खबर गरे । त्यसपछि खोजतलास गर्दा दुवै मृत भेटिए ।’

खबरपश्चात् तत्काल प्रहरी टोली, बर्दिया राष्ट्रिय निकुञ्ज देवदत्त गण चिसापानी सुरक्षा चेक प्वाइन्ट चेपाङ बबईबाट खटिएका नेपाली सेना, निकुञ्जका कर्मचारी र स्थानीय मानिसले खोजतलास गर्दै जाँदा दुवैलाई जंगली जनावरले आक्रमण गरी मृत्यु भएको अवस्थामा फेला पारेको उनले बताए ।