Skip This
Skip This
निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १२ बुधबार
  • Wednesday, 28 September, 2022
नयाँ पत्रिका काठमाडौं
२०७९ श्रावण २५ बुधबार २०:५२:००
Read Time : < 1 मिनेट
समाचार डिजिटल संस्करण

सर्वोच्चको आदेशप्रति बालेनकाे आक्रोश - कारबाही र नक्सा पासको अधिकार सर्वोच्चलाई दिइयाेस्

संविधान संशोधन गरी नक्सा पास नगरी बनाएका संसचनालाई कारबाही गर्ने तथा नक्सा पास गर्ने अधिकार सर्वोच्च अदालतलाई दिन बालेनले अनुरोध गरेका छन् । 

Read Time : < 1 मिनेट
नयाँ पत्रिका, काठमाडौं
२०७९ श्रावण २५ बुधबार २०:५२:००

नर्भिक हस्पिटलको संरचना तत्काल नहटाउन सर्वोच्च अदालतको अन्तरिम आदेशपछि काठमाडौं महानगरपालिकाका प्रमुख बालेन्द्र शाह अदालतप्रति रुष्ट देखिएका छन् । 
सर्वोच्च अदालतको अल्पकालीन अन्तरिम आदेश सार्वजनिक भएको केही समयपछि शाहले सामाजिक सञ्जालमा स्टाटस खेल्दै असन्तुष्टि पोखेका छन् । उनले नक्सा पास नगरी बनाइएका संरचनाहरूलाई कारबाही गर्ने तथा नक्सा पास गर्ने अधिकारसमेत सर्वोच्चलाई दिन अनुरोध गरेका छन् । 
 उनले लेखेका छन्, ‘नक्सा पास नगरी बनाएको संरचनाहरूलाई कारबाही गर्ने तथा नक्सा पास गर्ने अधिकार बरु संविधान नै संशोधन गरेर सर्वोच्च अदालतलाई दिने व्यवस्था गर्न हार्दिक अनुरोध गर्दछौँ ।’
गैरकानुनी रूपमा निर्माण गरिएका संरचना हटाउन काठमाडौं महानगरपालिकाले सोमबार २४ घण्टे अल्टिमेटम दिएपछि कार्यान्वयन रोक्न नर्भिक इन्टरनेसनल हस्पिटल मंगलबार सर्वोच्च अदालत पुगेको थियो । 
अदालतले बुधबार नर्भिक इन्टरनेसनल हस्पिटल एन्ड मेडिकल कलेज लिमिटेडले सार्वजनिक जग्गामा बनाएको संरचना २४ घण्टाभित्र हटाउन काठमाडौं महानगरले दिएको निर्देशन कार्यान्वयन नगर्न अल्पकालीन अन्तरिम आदेश गरेको छ । 
न्यायाधीश मनोजकुमार शर्माको एकल इजलासले उक्त आदेश जारी गरेको हो । आदेश सार्वजनिक भएपछि महानगर प्रमुख शाहले आक्रोशित हुँदै स्टाटस लेखेका हुन् ।