ललितपुरको चाकुपाटस्थित सडकमा भ्वाङ परेको छ । 
बागमती नदी कोरिडर हुँदै युएन पार्कबाट पाटनढोकातिर जाने क्रममा चाकुपाट क्षेत्रमा रहेको सडक भ्वाङ परेको हो । 
 आज दिउँसाे स्थानीयले सडक भ्वाङ परेको देखेपछि ललितपुर महानगरपालिका र प्रहरीलाई खबर गरेका थिए । अहिले त्यस क्षेत्रमा ट्राफिक प्रहरी तथा महानगरका प्रहरी खटिएका छन् । 
भ्वाङ के कारणले परेको हो भन्नेबारे केही जानकारी नभएको प्रहरीले जनाएको छ । भ्वाङ परेको सडक खण्डबाट यातायात आवागमन बन्द गरिएको छ । 
ललितपुर महानगरका कर्मचारीले सडक भासिएको स्थानमा पुगेर जाँचसमेत गरेका छन् ।