खोटाङको साकेला गाउँपालिका–५ मात्तिमविर्ता केन्द्र भएर आइतबार बिहान गएको ६ मेग्निच्युडको भूकम्पले जिल्लामा एक घर भत्किएको छ । ४६ घरमा क्षति पुगेको छ । मानवीय क्षति नभए पनि भूकम्पको केन्द्रबिन्दु बनेको मात्तिमविर्ताका ४४ घरमा क्षति पुगेको जनाइएको छ ।
मात्तिमविर्ताका दलबहादुर राई, प्रधान राई र ज्ञानबहादुर खड्काको घरमा बढी क्षति पुगेको र अन्य वडामा भएको क्षतिको विवरण संकलन भइरहेको गाउँपालिका प्रमुख रविप्रकाश राईले जानकारी दिए । ‘भूकम्पको केन्द्र मात्तिमविर्ता मात्रै अहिलेसम्म ४४ घरमा क्षति भएको विवरण संकलन भएको छ,’, उनले भने, ‘अन्य वडामा पनि क्षति भएको भन्ने वडाध्यक्षहरूबाट खबर आइरहेको छ । अहिले पानी परिरहेकाले अन्य वडाको विवरण संकलन हुन सकेको छैन ।’
सोही भूकम्पले हलेसी तुवाचुङ नगरपालिका– ५ दुर्छिमस्थित चुमाखुका तेजबहादुर नेपालीको घर पूर्णरुपमा भत्किएको छ । सो नगरपालिकाको वडा नम्बर ७ महादेवस्थानका गंगा राईको घर बस्नै नमिल्नेगरी चर्किएको छ । वडा नम्बर ९ सल्लेका ध्रुवप्रसाद पौडेलको घरमा बस्न नमिल्ने गरी क्षतिभएको वडा नम्बर ७ महादेविस्थानका वडाध्यक्ष एवम् नगरपालिकाका प्रवक्ता कमल गिरीले जानकारी दिए ।
हलेसी तुवाचुङ नगरपालिकाले भूकम्पको क्षति मूल्यांकन गर्न राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई पत्राचार गरेको छ । भूकम्प गए लगत्तै नगरपालिकाले इन्टग्रेटेड डिजास्टर भल्नेरेबिलीटी एसेसमेन्टका लागि राष्ट्रिय विपद जोखिम न्यूनीकरण तथा व्यवस्थापन प्राधिकरण, गृहमन्त्रालयलाई पत्राचार गरिएको नगरप्रमुख विमला राईले जानकारी दिइन् ।
भूकम्पले जिल्लामा अहिलेसम्म मानवीय क्षति नभए पनि पराकम्प जानेक्रम जारी रहेकाले सतर्कता अपनाउन जिल्लाबासीलाई आग्रह गरिएको प्रमुख जिल्ला अधिकारी सुर्यप्रसाद सेढाइले बताए । ‘जिल्लामा अहिले पनि भूकम्पको पराकम्प जानेक्रम जारी छ,’ उनले भने, ‘कतैबाट सूचना प्राप्त हुनासाथ परिचालित हुनेगरी नेपाली सेना, प्रहरी र विपद व्यवस्थापनको टोली तयारी अवस्थामा राखिएको छ ।’
जिल्लाको प्रमुख व्यापारिक केन्द्र दिक्तेल बजारसँग सिमाना जोडिएको साकेला गाउँपालिका–५ मात्तिमविर्तामा भूकम्पको केन्द्र भएपछि जिल्लाबासी त्रसित बनेका छन् । दश स्थानीय तह रहेको जिल्लामा हालसम्म भूकम्पको दर्जनबढी पराकम्प गएको महसुस गरिएको छ । पटक–पटक पराकम्प जानेक्रम जारी रहेपछि जिल्लाका केही स्थानीय बासिन्दा आफ्नो घर नजिकै पर्ने सुरक्षित ठाउँमा सर्न थालेका छन् ।
खोटाङ भूकम्प (अपडेट) : एक घर भत्कियो, ४७ चर्कियो
सुझावित समाचार
दानबहादुर कार्कीको रिटमा आज प्रारम्भिक सुनुवाइ हुँदै
काठमाडाैं । सर्वोच्च अदालतले निवर्तमान प्रहरी महानिरीक्षक (आइजिपी) दानबहादुर कार्कीले दायर गरेको रिट निवेदनमाथि बुधबार प्…
राष्ट्रपति पौडेलको उपस्थितिमा आज महादेवटार सुरुङ ‘ब्रेक थ्रु’ हुँदै
मकवानपुर । काठमाडौं–तराई/मधेश द्रुतमार्गअन्तर्गत मकवानपुरको महादेवटारमा निर्माणाधीन सबैभन्दा लामो सुरुङको आज ‘ब्रे…
प्रधानमन्त्री शाहको भारत भ्रमणबारे विज्ञहरूको सुझाव : आफ्ना एजेन्डा स्पष्ट राख्दै दीर्घकालीन साझेदारी निर्माणको अवसर सदुपयोग गरियोस्
काठमाडाैं- नेपाल–भारत सम्बन्धका जानकार, पूर्वराजदूत एवं विज्ञहरूले अहिले दुई देशबिच दीर्घकालीन साझेदारी निर्माणको अवसर …
जन्मँदै दृष्टिविहीन लल्कु र कृष्णु आर्थिक अभावले उपचारबाट वञ्चित
घरमै बिताउँछन् कष्टकर जीवन, छिमेकबाटै हेलाहोचो विराटनगर- मोरङको कटहरी गाउँपालिका– २, आदर्श टोलका ११ वर्षीय लल्…
त्रिविमा एक सय ३० प्राध्यापक छनोटका लागि अन्तर्वार्ता लिइँदै
काठमाडौं/ त्रिभुवन विश्वविद्यालमा १३० जना प्राध्यापक छनोट प्रक्रिया अन्तर्वार्ता चरणमा पुगेको छ । खुला प्रतिस्पर्धात्मक ढंगले फास्ट ट्र्…
दानबहादुर कार्कीको रिटमा आज प्रारम्भिक सुनुवाइ
काठमाडाैं । प्रहरी महानिरीक्षकबाट हटाइएका दानबहादुर कार्कीले दायर गरेको रिटमा बुधबार सर्वोच्च अदालतमा प्रारम्भिक सुनुवाइ …