मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख ९ आइतबार
  • Sunday, 21 April, 2024
फाइल फाेटाे ।
नयाँ पत्रिका काठमाडौं
२०७९ श्रावण ११ बुधबार ११:१५:००
Read Time : < 1 मिनेट
समाचार

एसइईको नतिजा आज आउँदै

Read Time : < 1 मिनेट
नयाँ पत्रिका, काठमाडौं
२०७९ श्रावण ११ बुधबार ११:१५:००

माध्यमिक शिक्षा परीक्षा कक्षा १० (एसइई)को नतिजा आज प्रकाशित हुँदै छ ।
राष्ट्रिय परीक्षा बोर्डका अध्यक्ष महाश्रम शर्माले आज नतिजा आउने जानकारी दिए । 

नतिजा प्रकाशनको अन्तिम तयारीका लागि मंगलबार परीक्षा बोर्डको बैठक बसेको थियो । सो बैठकले प्राविधिक विषयवस्तुहरूमा टुंगो लगाई नतिजा प्रकाशनको अन्तिम काम पूरा गरेको हो ।

कोरोना महामारीका कारण दुई वर्ष आन्तरिक मूल्यांकनबाटै नतिजा सार्वजनिक भए पनि यस वर्ष बोर्डले विद्यार्थीको भौतिक उपस्थितिमै गत वैशाख ९ देखि २० गतेसम्म परीक्षा लिएकाे थियाे । साे परीक्षामा पाँच लाख १४ हजार नाै सय ७७ परीक्षार्थी सहभागी थिए । तीमध्ये दुई लाख ५७ हजार नाै सय २४ छात्रा र दुई लाख ५७ हजार ५३ छात्र छन् । उनीहरूले दुई हजार सात परीक्षा केन्द्रबाट परीक्षा दिएका हुन् ।