कर्णाली राजमार्गअन्तर्गत नाग्म-गमगढी सडक अवरुद्ध भएको छ। निरन्तरकाे वर्षाले बाढी आएपछि सिँजा गाउँपालिका–२ बिष्टवाडास्थित सडक भत्किएपछि सडक अवरुद्ध भएको हो।
२ नम्बर वडाध्यक्ष तीर्थ बडका अनुसार बिष्टबाडा खोलामा ठूलो बाढी आएका कारण सवारीसाधन आवतजावतमा समस्या भएको छ। सवारीसाधन खोलावारि र पारि रोकिएका छन् र यात्रु अलपत्र परेका छन्।
यस घटनाका विषयमा प्रहरी प्रशासन सबैलाई खबर गरिएको उनले बताए। उनका अनुसार बाढीले यहाँकाे धान खेत पुरिएकाे छ।