Skip This
कामना सेवा विकास बैंक लिमिटेडको नायब प्रमुख कार्यकारी अधिकृत पदमा विनय दाहाल नियुक्त भएका छन् । बैंकिङ क्षेत्रमा करिब तीन दशक लामो अनुभव भएका दाहाल विगत पाँच वर्षदेखि एनएमबि बैंकको उच्च तहमा रही काम गर्दै आएको जनाइएको छ ।
उनले पछिल्लो दुई वर्षदेखि बैंकको व्यापार तथा योजना प्रमुखको जिम्मेवारी वहन गर्दै आएका थिए । त्यस्तै, दाहालले एनआइसी एसिया बैंक तथा नबिल बैंकसँग आबद्ध भएर पनि काम गरिसकेको बैंकले जनाएको छ ।
बैंकिङ क्षेत्रमा लामो अनुभव सँगालेका दाहालले बैंकको नायब प्रमुख कार्यकारी अधिकृतको भूमिका सफलतापूर्वक निर्वाह गरी बैंकलाई थप उचाइमा पुर्याउने बैंकले विश्वास व्यक्त गरेको छ ।
