- वि.सं २o८१ जेठ ७ सोमबार
हिमालय टेलिभिजनको आयोजनामा हुने रियालिटी सो ‘आइएमई नेपाल लोकस्टार’को दोस्रो सिजनका लागि पावर बाई स्पोन्सरका रूपमा जगदम्बा स्टिल्सअन्तर्गतको जगदम्बा सुपर साइन जस्तापाता अनुबन्ध भएको छ । जगदम्बा स्टिल्सका महाप्रबन्धक मनोज तिवारी र हिमालय टेलिभिजनका अध्यक्ष धर्मराज भुसालले अनुबन्धसम्बन्धी सम्झौतामा हस्ताक्षर गरेका हुन् ।
लोकस्टारको हालै सम्पन्न भएको डिजिटल अडिसनमा हजारौँ प्रतिभाहरूले लोकस्टार सिजन–२ को उपाधि जित्ने आकांक्षासहित आवेदन गरेको जनाइएको छ । यी आवेदनमध्येबाट छानिएका प्रतिभासँगै देशका विभिन्न स्थानमा हुने फिजिकल अडिसनबाट पनि प्रतिभाहरूको छनोट गरिने आयोजकले जनाएका छन् ।
आयोजकले दोस्रो सिजनका लागि निर्णायकहरूको छनोट पनि सम्पन्न गरेको जनाएको छ । नेपाली लोकसंगीतका कारण चर्चित कलाकार कुमार बस्नेत यसपटक नेपाल लोकस्टारको निर्णायकका रूपमा अनुबन्ध भएको जनाइएको छ ।
त्यस्तै, लोक तथा दोहोरी गायिका ज्योति मगर र लोकदोहारी गायक कुलेन्द्र विश्वकर्मा पनि निर्णायकका रूपमा अनुबन्ध भएको जनाइएको छ ।
