Read Time : < 1 मिनेट
२o८१ जेठ ६ आइतबार o७:३३:oo
सेन्चुरी कमर्सियल बैंक लिमिटेडले जारी गरेको ‘सेन्चुरी डिबेन्चर २०८८’ नेपाल स्टक एक्सचेन्ज लिमिटेडमा सूचीकृत भएको छ । बैंकले जारी गरेको १० वर्ष अवधि तथा वार्षिक १० दशमलव ५० प्रतिशत ब्याजदर भएको यो डिबेन्चरको संकेत सिसिबिडी ८८ राखेर सूचीकरण गर्न नेप्सेसँग सम्झौता भएको हो ।
बैंकले सर्वसाधारणसमक्ष धितोपत्र निष्कासन तथा बिक्री प्रबन्धक ग्लोबल आइएमई क्यापिटल लिमिटेडमार्फत उक्त ऋणपत्र सर्वसाधारणका लागि बिक्री आह्वान गरेको थियो ।
सर्वसाधारणमा वितरण गरिएको २२ लाख थान ऋणपत्र वितरण भई धितोपत्र सूचीकरण विनियमावली, २०७५ बमोजिम सूचीकरण गरिएको बैंकले जनाएको छ ।
