निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ श्रावण २४ मंगलबार
  • Tuesday, 09 August, 2022
२०७९ असार १४ मंगलबार १०:२१:००
Read Time : < 1 मिनेट
मुख्य समाचार डिजिटल संस्करण

 वर्षाले डुम्रे-बेँसीसहर सडकखण्ड अवरुद्ध

Read Time : < 1 मिनेट
२०७९ असार १४ मंगलबार १०:२१:००

सोमबार रातिदेखि परेको अविरल वर्षासँगै आएको  पहिरोले डुम्रे–बेँसीसहर सडकखण्ड अवरुद्ध भएको छ । डुम्रे–बेँसीसहर सडकखण्डअन्तर्गत बेँसीसहर नगरपालिका– १ उदीपुरनजिकै देउराली डाँडाको पहिरोले  सडक अवरुद्ध भएको लमजुङका प्रहरी प्रमुख डिएसपी कृष्णबहादुर कार्कीले बताए ।

उनका अनुसार गत वर्ष र केही दिनअघि गएको पहिरोले अवरुद्ध  सडकका कारण वैकल्पिक रूपमा आर्मी ब्यारेक, रिट्ठेबगर हुँदै उदीपुर जोडिने सडकमा पहिरोले ढुंगा माटोसहित अवरुद्ध बनाएपछि सवारी साधन सञ्चालन ठप्प भएको छ । 

सडक अवरुद्ध भएपछि काठमाडौं, पोखरा, चितवनतर्फ  जाने र   बेँसीसहरतर्फ आउने सवारीसाधन चल्न सकेका छैनन् ।