मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
२०७९ जेठ १२ बिहीबार २२:१५:००
Read Time : < 1 मिनेट
मुख्य समाचार डिजिटल संस्करण

विभाजनपछि विप्लव नेकपाको केन्द्रीय समितिको पूर्ण बैठक उदयपुरमा

Read Time : < 1 मिनेट
२०७९ जेठ १२ बिहीबार २२:१५:००

विभाजनपछि नेत्रविक्रम चन्द विप्लव नेतृत्वको नेपाल कम्युनिस्ट पार्टी (नेकपा) को केन्द्रीय समितिको १३औँ पूर्ण बैठक उदयपुरको रौतामाई गाउँपालिकामा सुरु भएको छ । बिहीबारदेखि रौतामाईको पर्यटकीय केन्द्र रौतापोखरीमा विप्लवको अध्यक्षतामा बैठक सुरु भएको हो ।

नेकपा उदयपुरका जिल्ला सेक्रेटरी लक्षमण पौडेलका अनुसार बैठक करिब एक हप्ता चल्नेछ । उनले भने, ‘बैठकमा विभिन्न एजेन्डामा छलफल हुने भएकाले झन्डै एक हप्ता चल्ने अनुमान गरिएको छ ।’

बैठकको उद्घाटन गर्दै महासचिव विप्लवले राजनीतिक प्रस्ताव र आगामी ९औँ  महाधिवेशनको राजनीतिक प्रस्ताव पेस गरेका छन् । उक्त राजनीतिक प्रस्ताव र महाविधेशनको राजनीतिक प्रस्तावमा छलफल हुने पौडेलले बताए । उनले भने, ‘बैठकमा सहभागीहरू ५८ जना केन्द्रीय सदस्यहरू र २ जना केन्द्रीय सल्लाहकार समितिका सदस्यहरूले राजनीतिक प्रस्तावमाथि शुक्रबारदेखि आफ्ना धारणा राख्ने  कार्यक्रम  रहेको छ ।’

गत वैशाख ३० को स्थानीय तहको निर्वाचनमा सहभागी हुने कि नहुने भन्ने विवादले विप्लव नेतृत्वको नेकपा विभाजित भएको थियो ।