- वि.सं Invalid date format
स्थानीय तह निर्वाचनअन्तर्गत सात सय ५३ मध्ये हालसम्म सात सय ४६ पालिकाको अन्तिम मतपरिणाम सार्वजनिक भएको छ । बाँकी सात स्थानीय तहको परिणाम सार्वजनिक हुन बाँकी रहेको निर्वाचन आयोगले जनाएको छ ।
आयोगका अनुसार अन्तिम परिणाम आउन बाँकी पालिकाहरूमा प्रदेश १ मा उदयपुरको त्रियुगा नगरपालिका, मधेस प्रदेशमा रौतहटको गरुडा र फतुवा–विजयपुर नगरपालिका, बागमती प्रदेशको काठमाडौं महानगरपालिका, लुम्बिनी प्रदेशको रुपन्देहीको तिलोत्तमा नगरपालिका र कपिलवस्तुको महाराजगन्ज नगरपालिका रहेका छन्।
त्यस्तै, सुदूरपश्चिम प्रदेशतर्फ बाजुराको बुढीगंगा नगरपालिकामा मतगणनाबारे विवाद भएपछि आयोगले यसबारे पुनः मतदान या मतदान सदर गर्ने भन्नेबारे निर्णय हुन बाँकी छ। आयोगका अनुसार हालसम्म परिणाम सार्वजनिक भएकामा पालिकाका प्रमुख र अध्यक्ष गरी नेपाली कांग्रेस तीन सय २५, नेकपा एमाले दुई सय चार र माओवादी केन्द्र एक सय २१ स्थानमा विजयी भएका छन् ।
