Skip This
दक्षिण ललितपुरको बागमती गाउँपालिकामा गठबन्धनबाट नेपाली कांग्रेसका उम्मेदवार वीरबहादुर लोप्चन निर्वाचित भएका छन्। उनी यसअघि पनि पालिका अध्यक्ष थिए। नेकपा एमालेका नवराज सञ्जेललाई पराजित गर्दै चार हजार नाै सय नाै मतसहित लोप्चन अर्को कार्यकालका लागि पनि निर्वाचित भएका हुन्।
उनका प्रतिस्पर्धी एमालेका सञ्जेलले चार हजार ५३ मत ल्याएका छन्। सञ्जेल गाउँपालिकाको निवर्तमान वडाध्यक्षसमेत हुन्। पालिकाको उपाध्यक्षमा माओवादी केन्द्रका भक्तबहादुर दर्लामी मगर चार हजार ६ सय ९२ मतसहित निर्वाचित भएका छन्।
