कांग्रेस आठ, एमाले ६ र माओवादी दुई वडामा विजयी
अर्घाखाँचीमा १६ वडाको मत परिणाम सार्वजनिक भएको छ । जसमध्ये कांग्रेसले आठ वडामा विजयी हासिल गरेको छ । एमालेले-६ वडामा जित हासिल गरेको छ । यसैगरी माओवादीले दुई वडा जित्न सफल भएको छ । यसबाहेक अहिलेसम्म अन्य कुनै दलले वडामा विजयी हासिल गर्न सकेका छैनन् ।
कांग्रेस विजयी भएका आठ वडा
सन्धिखर्क नगरपालिकाको वडा नम्बर-१ मा माधव श्रेष्ठ र वडा नम्बर-१२ मा नारायण खड्काले विजयी हासिल गरेका छन् । यसैगरी, भूमिकास्थान नगरपालिका-१ मा गोपाल खनाल, पाणिनी गाउँपालिका वडा नम्बर-१ मा कमल पोखरेल र वडा नम्बर-२ मा चन्द्रकान्त पौडेलले जित हात पारेका छन् ।
यसैगरी, छत्रदेव गाउँपालिका वडा नम्बर-५ मा बालकृष्ण पाेखरेल, शीतगंगा नगरपालिका वडा नम्बर-१ मा मानबहादुर सिंजापति र वडा नम्बर-१४ मा दामोदर न्यौपानेले विजयी हासिल गरेका छन् ।
एमाले विजयी भएका ६ वडा
मालारानी गाउँपालिका वडा नम्बर-१ मा एमालेका उम्मेदवार दधिराम आचार्य विजयी भएका छन् । यसैगरी पाणिनी गाउँपालिका वडा नम्बर-८ मा रोमबहादुर पाण्डे, भूमिकास्थान नगरपालिका वडा नम्बर-१० मा खगेश्वर पन्थी, छत्रदेव गाउँपालिका वडा नम्बर-४ मा भीमलाल खनाल, पाणिनी गाउँपालिका वडा नम्बर-७ मा गुनाखर अधिकारी, शीतगंगा नगरपालिका वडा नम्बर-१३ मा दुर्गा विसी विजयी भएका छन् ।
माओवादीले जितेका दुई वडा
नेकपा माओवादी केन्द्रले मालारानी गाउँपालिकाको वडा नम्बर- ९ र २ मा जित हात पारेको छ । अन्य स्थानमा मतगणना जारी रहेको छ ।