निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १७ सोमबार
  • Monday, 03 October, 2022
२०७८ चैत २५ शुक्रबार २१:०४:००
Read Time : < 1 मिनेट
खेलकुद डिजिटल संस्करण

२०औँ नेपाल ओपन प्याराग्लाइडिङ च्याम्पियनसिप सम्पन्न              

Read Time : < 1 मिनेट
२०७८ चैत २५ शुक्रबार २१:०४:००

सेनाका सागर जलारीले पोखरामा सम्पन्न ‘२०औँ नेपाल ओपन प्याराग्लाइडिङ च्याम्पियनसिप २०२२’ अन्तर्गत एक्युरेसी सोलो ओभरअलको उपाधि चुम्न सफल भएका छन् । नेपाल हवाई खेलकुद संस्था (ना) को आयोजना, नेपाल प्याराग्लाइडिङ तथा ह्याङग्लाइडिङ संघ र नेपाल प्याराग्लाइडिङ पाइलट्स क्लबको सहयोगमा भएको प्रतियोगितामा जलारीले १७ अंकसहित उपाधि जितेका हुन् ।

अन्जन कुँवर दोस्रो, अमन थापा तेस्रो, विशाल थापा र युवराज सुनारले सान्त्वना स्थान हात पारेकाे आयोजक संस्थाका महासचिव एवं प्रतियोगिताका संयोजक बलराम आचार्यले जानकारी दिए । उनीहरूले क्रमश ५०, ३०, २० र १० हजार नगद पुरस्कार पाए ।

प्रतियोगितामा विभिन्न सात विधाका खेलहरू भएका थिए । जस्मा ‘एक्युरेसी’ विधाका मात्र पाँच खेल भएका थिए । एक्युरेसी सोलो ल्यान्डिङ महिलामा दृर्गा गुरुङ पहिलो, स्वस्तिका गुरुङ दोस्रो, सविता तामाङ तेस्रो र सुस्मिता सुनुवार सान्तना हुँदै क्रमश ३०, २०, १० र पाँच हजार पुरस्कार पाए । 

एक्युरेसी टेन्डम ल्यान्डिङ ओभरअलमा इन्द्रबहादुर नेपाली पहिलो, कृष्णबहादुर सुनार दोस्रो, नुरेन राना तेस्रो र नारायण पराजुलीले सान्त्वना स्थान हात पार्दै क्रमश ३०, २०, १० र पाँच हजार पुरस्कार पाए । एक्युरेसी टिम टेन्डमम ल्यान्डिङ ओभरअल टिम एड्भान्स पहिलो, टिम ड्राग्रन फ्लाई दोस्रो र टिम गोल्डेन तेस्रो हुँदै क्रमश २०, १५ र १० हजार पुरस्कार पाए । बेस्ट कस्ट्युम साे परफरमेन्समा इश्वर केसी र जीवन खड्का उत्कृष्ट हुँदै नगद १० हजार साथमा ट्रफी र मेडल पुरस्कार पाए । 

बुधबारदेखि सुरु प्रतियोगितामा एक्युरेसी सोलो पुरुषमा ३२, एक्युरेसी टेन्डम ओभरअलमा ३७ र एक्युरेसी महिलामा आठजना गरी ७७ जनाको सहभागिता रहेको थियो ।