राष्ट्रपति विद्यादेवी भण्डारीले विद्युत उत्पादन, खपत र निर्यात व्यवस्थापनलाई प्रभावकारी बनाएर अर्थतन्त्रमा अर्थतन्त्रमा ऊर्जा क्षेत्रको योगदानमा वृद्धि गर्नुपर्छ : राष्ट्रपति भण्डारीर्जा क्षेत्रको योगदानमा वृद्धि गर्नुपर्ने बताएकी छिन् । अर्थतन्त्रमा ऊर्जा क्षेत्रको योगदान वृद्धि गरी ‘समृद्ध नेपाल : सुःखी नेपाली’को राष्ट्रिय संकल्पलाई पूरा गर्नुपर्ने उनको भनाइ छ ।
शनिबार काठमाडौंको भृकुटीमण्डवमा आयोजित हिमालयन हाइड्रो एक्स्पोको उद्घाटन गर्दै राष्ट्रपति भण्डारीले आयातीत बिजुलीका कारण केही वर्षअघि मात्रै नेपालले लोडसेडिङबाट मुक्ति पाएको धारणा राखिन् । ‘विद्युत् उत्पादन, खपत र निर्यात व्यवस्थापनलाई प्रभावकारी बनाउँदै अर्थतन्त्रमा ऊर्जा क्षेत्रको योगदान वृद्धि गरी समृद्ध नेपालः सुःखी नेपालीको राष्ट्रिय संकल्प पूरा गर्नु हाम्रो प्राथमिकता हो’, राष्ट्रपति भण्डारीले भनिन् । एक शताब्दीअघि नै उत्पादन सुरु गरी नेपालले जलविद्युतका क्षेत्रमा सम्भावनाको ढोका खोलेको विषयमा प्रायः चर्चा हुँदै आएको उनले बताइन् ।