- वि.सं २o८१ जेठ ४ शुक्रबार
निजामती सेवाका कर्मचारीहरूले नयाँ कर्मचारी संगठन दर्ता गरेका छन् । बुधबार श्रम विभागमा ‘एकीकृत सरकारी कर्मचारी संगठन, नेपाल’ दर्ता भएको हो ।
१४ हजार ७ सय ५३ कर्मचारीको हस्ताक्षरसहित बुधबार संगठन दर्ता भएको संगठनका अध्यक्ष मोहन घिमिरेले बताए । निजामती सेवामा नयाँ संगठन दर्ता गर्न ५ हजार हस्ताक्षर चाहिने प्रावधान निजामती सेवा नियमावलीमा छ ।
संगठनले जिल्ला र विभागीय गरी ४७ वटा कार्यसमिति गठन गरेको छ । नेपाल निजामती कर्मचारी संगठन पुनर्गठन गरी नयाँ संगठन बनाइएको घिमिरेले बताए ।
2024-05-16-05-25-32.jpeg)
