- वि.सं २o८१ जेठ १ मंगलबार
यती ब्रुअरीले नयाँ बियर यती ब्लन्ड बजारमा ल्याएको छ । स्पिरिट अफ द माउन्टेन्स’ नारासहित कम्पनीले प्रिमियम क्राफ्ट बियर बजारमा ल्याएको हो । बियर उत्साहीलाई लक्षित गरिएको यती ब्लन्ड बियरले हिमाली आभास झल्काउने र नेपालको क्राफ्ट बियर उद्योगमा नौलो फड्को ल्याउने उद्देश्य रहेको कम्पनीले जनाएको छ । कम्पनीका अनुसार यो क्राफ्ट बियर उत्कृष्ट हप्स, माल्टेड जौ, यिस्ट र प्राकृतिक हिमाली पानीबाट तयार परिएको छ ।
यो बियरमा अल्कोहलको मात्रा पाँच दशमलव दुई प्रतिशत रहेको जनाइएको छ । पुल–अफ क्यापसहित ३३० मिलि र ६५० मिलिको बोतलमा उपलब्ध रहेको यसको मूल्य एक सय ८० रुपैयाँ र तीन सय ५० रुपैयाँ तोकिएको छ ।
