Read Time : < 1 मिनेट
२o८१ जेठ १ मंगलबार १५:५९:oo
महोत्तरीको प्रादेशिक अस्पताल जलेश्वरका मेडिकल सुपरिटेन्डेन्ट डा. सतिशकुमार साहमाथि सिके राउतको जनमत पार्टीका कार्यकर्ताले आक्रमण गरेका छन्। आक्रमणमा घाइते उनको मुखभित्र आठवटा टाँका लगाइएको छ।एक कार्यक्रममा बर्दिबास जाँदै गरेका डा. साहमाथि जनकपुरको पिडारी चोकमा आक्रमण भएको हो।
प्रदेश २–०२–००१ झ ०१६३ को सरकारी नम्बर प्लेटको गाडीमा सवार उनीमाथि एक्कासि जनमतको भिडले आक्रमण गरेको थियो। हाल उनी खतरामुक्त रहेको र उपचार भइरहेको जलेश्वर अस्पतालका चिकित्सकहरूले बताएका छन्। जनमत पार्टीका कार्यकर्ताहरूले डा. साहको गाडीसमेत तोडफोड गरेका छन् भने उनको सवारीचालकको खुट्टामा समेत चोट लागेको छ।