राष्ट्रिय सभा निर्वाचनका लागि मतदान गर्न जनकपुर पुगेका सर्लाही हरिवन नगरपालिकाका मेयर चढेको गाडी जनमत पार्टीका कार्यकर्ताले तोडफोड गरेका छन् ।  बुधबार मेयर गणेशप्रसाद प्रसाईं र उपमेयर रेनुका पौडेल चढेको प्रदेश–२०३००१झ ००२० नम्बरको गाडीमा तोडफोड हुँदा मेयर प्रसाईं घाइते भएका छन् ।

उनलाई  प्रादेशिक अस्पतालमा उपचारका लागि लगिएको छ ।  तोडफोडका कारण गाडीको पछाडिको सिसा फुटेको छ ।