- वि.सं २o७८ पौष २६ सोमबार
म्यानमारको अदालतले सोमबार प्रजातन्त्रवादी नेतृ आङ सान सुचीलाई थप चार वर्षको जेल सजाय सुनाएको छ। उनलाई तीन आपराधिक आरोपमा दोषी ठहर गर्दै उक्त सजाय सुनाइएको हो। नोबेल पुरस्कार विजेता नेतृ सुचीलाई फेब्रुअरी १ देखि हिरासतमा राखिएको छ।
हाल म्यनमारको सैनिक शासनयता एक हजार चार सयभन्दा बढी नागरिक मारिएका छन्, थुप्रै पक्राउ परेका छन् र शृंखलाबद्ध विद्रोहहरू भइरहेका छन्। स्रोतले एएफपीलाई दिएको जानकारीअनुसार अवैध रूपमा वाकी-टकीहरू आयात गर्ने, स्वामित्व राख्ने र कोरोना भाइरस नियमहरू उल्लंघन गरेको दुई आरोपमा दोषी ठहराइएको छ। जुनटाका प्रवक्ता मेजर जनरल जाव मिन टुनले उक्त फैसला र सजायको पुष्टि गरेका छन्। ७६ वर्षीया सुचीले भने सैनिक सरकारले लगाएका सबै आरोप अस्वीकार गर्दै आइरहेकी छिन्।
