- वि.सं Invalid date format
रसुवामा महिलाहरूको स्वास्थ्यलाई मध्यनजर राख्दै ग्लोबल आइएमई बैंकले एकदिने निःशुल्क स्वास्थ्य शिविर सञ्चालन गरेको छ। जिल्लाको नौकुण्ड गाउँपालिका– ३ पारच्याङमा बैंकले एकदिने निःशुल्क स्वास्थ्य शिविर सञ्चालन गरेको हो।
आर्थिक अवस्था कमजोर भई अस्पतालको पहुँचबाट टाढा रहेका ग्रामीण भेगका महिलाहरूलाई लक्षित गरी बैंकले आफ्नो १५औँ वार्षिकोत्सवको अवसरमा शिविर सञ्चालन गरेको ग्लोबल आइएमई बैंक नौकुण्ड शाखाका प्रबन्धक रमेश पनेरूले जानकारी दिए। शिविरमा आङ खस्ने, महिनावारी गडबडी र अस्थायी तथा स्थायी बन्ध्याकरण सेवाहरू प्रदान गरिएको थियो।
