- वि.सं २०७८ माघ ३ सोमबार
मानव अधिकार आयोगकी पूर्व सदस्य तथा अधिवक्ता मोहना अन्सारीले प्रधानन्यायाधीशमाथि भ्रष्टाचार आरोप लाग्दा विधायिका मौन बसेको भन्दै आपत्ति जनाएकी छिन्। प्रधानन्यायाधीश चोलेन्द्रशमशेर जबराको राजीनामा माग गर्दै नेपाल बार एसोसिएसनको जारी धर्नामा सहभागी अन्सारीले यस्तो बताएकी हुन्।
सर्वोच्च अदालत युद्धमैदान नभएको प्रस्ट पार्दै उनले कानुन व्यवसायीको कलमले गन र सटगनको काम गर्ने चेतावनी दिइन्। अन्सारीले भनिन्, ‘सर्वोच्च अदालत युद्धमैदान होइन। कानुन व्यवसायीको कलमले गन र सटगनको काम गर्छ। एक प्रधानन्यायाधीशमाथि भ्रष्टाचार आरोप लागेको छ, तर सबै विधायक मौन छन्।’
