निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ जेठ १४ शनिबार
  • Saturday, 28 May, 2022
गणेश लम्साल विराटनगर
२०७८ मङ्सिर १ बुधबार १४:४१:००
Read Time : < 1 मिनेट
मुख्य समाचार डिजिटल संस्करण

प्रदेश १ का मुख्यमन्त्री राईले पाए विश्वासको मत 

Read Time : < 1 मिनेट
गणेश लम्साल, विराटनगर
२०७८ मङ्सिर १ बुधबार १४:४१:००

प्रदेश १ का मुख्यमन्त्री राजेन्द्र राईले विश्वासको मत प्राप्त गरेका छन्। बुधबार बसेको प्रदेश सभाकाे बैठकबाट मुख्यमन्त्री राईले विश्वासको मत प्राप्त गरेका हुन्। सभामुखसहित ९२ सांसद रहेका प्रदेश सभामा ७९ सांसदले मतदानमा भाग लिएका थिए।

मतदानमा उपस्थित सांसदमध्ये मुख्यमन्त्री राईको पक्षमा ५० सांसदले विश्वासको मत दिँदा २९ जनाले विपक्षमा मतदान गरेका छन्। विपक्षी ४२ सांसदमध्ये २९ जना मात्र मतदानमा सहभागी भएका हुन्। पाँच दलीय गठबन्धनबाट मुख्यमन्त्री राईलाई सतप्रतिशत मत प्राप्त भयो।

१५ कात्तिकमा एमालेका भीम आचार्यले मुख्यमन्त्रीबाट राजीनामा दिएपछि कांग्रेस, माओवादी केन्द्र, जनता समाजवादी र संघीय लिम्बुवान मञ्चसहितको पाँचदलीय गठबन्धनबाट एकीकृत समाजवादी संसदीय दलका नेता राजेन्द्र राई १७ कात्तिकमा मुख्यमन्त्री नियुक्त भएका थिए।