- वि.सं Invalid date format
प्रधानन्यायाधीश चोलेन्द्रशमशेर जबराको राजीनामा माग गर्दै नेपाल बार एसोसिएसनले आज पनि धर्ना सुरु गरेको छ। नेपाल बारको आग्रहमा कानुन व्यवसायीहरूले सर्वोच्च बार परिसरमा धर्ना दिइरहेका छन्।सयौँको संख्यामा कानुन व्यवसायीहरू धर्नामा बसेका छन्। बारले प्रधानन्यायाधीश जबरालाई राजीनामाका लागि अल्टिमेटमसहित तिहारअघि पहिलो चरणमा धर्नाको कार्यक्रम घोषणा गरेको थियो।
बारले राजीनामा बटमलाइन भएको भन्दै दोस्रो चरणको आन्दोलनको तयारी गरिरहेको छ। बारले दोस्रो चरणमा सशक्त आन्दोलनका कार्यक्रम घोषणा गर्ने तयारी भइरहेको बताएको छ। आन्दोलनको स्वरूपबारे बारका देशभरका इकाइसँग छलफल भइरहेको बारले जानकारी दिएको छ।
