टर्निङ प्वाइन्ट्स-२०२२फ्रन्ट पेजमुख्य समाचारसमाचारदृष्टिकोणअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीयस्वास्थ्य र जीवनशैलीसाहित्य१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७८ माघ ६ बिहीबार
  • Thursday, 20 January, 2022
२०७८ कार्तिक २२ सोमबार ०८:२१:००
Read Time : < 1 मिनेट
मुख्य समाचार प्रिन्ट संस्करण

बागमतीका मुख्यमन्त्रीले आज विश्वासको मत लिँदै

Read Time : < 1 मिनेट
२०७८ कार्तिक २२ सोमबार ०८:२१:००

 बागमती प्रदेशका मुख्यमन्त्री राजेन्द्र पाण्डेले सोमबार प्रदेशसभाबाट विश्वासको मत लिँदै छन् । मुख्यमन्त्री नियुक्त भएको ३० दिनभित्र विश्वासको मत लिनुपर्ने संवैधानिक व्यवस्था छ । गत ११ कात्तिकमा मुख्यमन्त्रीमा नियुक्त भएका पाण्डेले सोही व्यवस्थाअनुसार सोमबार विश्वासको मत लिन लागेका हुन् । 

तत्कालीन मुख्यमन्त्री अष्टलक्ष्मी शाक्यले राजीनामा दिएपछि नेकपा माओवादी केन्द्र, नेपाली कांग्रेस, नेकपा एकीकृत समाजवादी र जनता समाजवादीका ५९ सांसदको समर्थनमा पाण्डे ११ कातिकमा मुख्यमन्त्री बनेका थिए । मुख्यमन्त्री तथा मन्त्रिपरिषद्को कार्यालयले प्रदेश सभामा १७ कातिकमा विश्वासको मत लिनेसम्बन्धी प्रस्ताव दर्ता गराएको थियो । त्यसका लागि सोमबार दिउँसो ३ बजे बैठक बोलाइको छ । 

मुख्यमन्त्री पाण्डेले विश्वासको मत पाउने निश्चित देखिएको छ । सभामुखसहित १ सय ९ सदस्यीय प्रदेशसभामा माओवादी केन्द्रका २३, कांग्रेसका २२, एकीकृत समाजवादीका १३ र जसपाका १ गरी सत्ता गठबन्धनसँग ५९ सांसद छन् । सरकार बनाउन ५५ मत भए पुग्छ । प्रमुख प्रतिपक्ष नेकपा एमालेसँग ४३ सांसद छन् । तीन सांसद रहेका विवेकशील साझा तथा दुई दुई सांसद रहेका राप्रपा र नेमकिपा पनि विपक्षमा छन् । विवेकशील साझाले वर्तमान सरकारलाई विश्वासको मत दिए पनि सरकारमा सहभागी नहुने जनाइसकेको छ ।