- वि.सं २o८१ बैशाख २५ मंगलबार
राष्ट्रिय अनुसन्धान विभागको अधिकृतको जागिर लगाइदिने भन्दै साढे १४ लाख रुपैयाँ ठगी गरेको अभियोगमा एकजना पक्राउ परेका छन् । झापा सुरुंगा नगरपालिका– ३ का ३५ वर्षीय निलम भट्टराईलाई प्रहरीले पक्राउ गरेको हो।
महानगरीय अपराध महाशाखाका अनुसार उनले तनहुँ शुक्लागण्डकी नगरपालिका– ३ की ३० वर्षीया दुर्गा पौडेल न्यौपानेलाई विभागको अधिकृतको जागिर मिलाइदिने भन्दै १४ लाख पचास हजार रुपैयाँ लिएका थिए।
तालिमका लागि सिन्धुली जानुपर्ने भन्दै दुर्गालाई उनले काठमाडौंसमेत बोलाएका थिए । त्यसलगतै बेपत्ता भएका उनलाई महाशाखाबाट खटिएका प्रहरी टोलीले सुर्खेतको वीरेन्द्रनगरबाट पक्राउ गरेको हो । प्रहरीका अनुसार उनले आफूलाई नेपाल टेलिभिजनको पत्रकारसमेत भएको बताउँथे ।
