- वि.सं २०७८ माघ ३ सोमबार
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेकपा क्रान्तिकारी माओवादीका महासचिव मोहन वैद्य किरणको स्वास्थ्य अवस्थाबारे जानकारी लिएका छन्। आज सोमबार थापाथलीस्थित नर्भिक अस्पताल पुगेर प्रचण्डले वैद्यको स्वास्थ्य अवस्थाबारे जानकारी लिएका हुन्।
उपचारमा संलग्न चिकित्सकले वैद्यको स्वास्थ्य अवस्था सुधारोन्मुख रहेको जानकारी गराए। दमको समस्याबाट पीडित महासचिव वैद्य आइतबार नर्भिक अस्पतालमा भर्ना भएका थिए।
