- वि.सं २०८१ बैशाख १४ शुक्रबार
मंगलबारदेखि लगातार परेको हिमपातले सुदूरपश्चिमका प्रदेशको सात पहाडी जिल्लाको यातयात सेवा ठप्प भएको छ ।
डडेल्धुरा, दार्चुला, बैतडी, बझाङ, डोटी, अछाम र बाजुराको मुख्य राजमार्गमा हिमपातका कारण दुई दिनदेखि यातायात सेवा चलेको थिएन् । डडेल्धुरा जिल्लाअ न्तर्गत पर्ने भीमदत्त राजमार्ग मेलखर्क, हगुल्डे, साउँ खर्क, भत्कडाँ, स्याउँले बजारलगायत क्षेत्रमा करिब १ फिट बाक्लो हिउँ जमेको छ ।
राजमार्गमा जमेको हिउँ हटाउन अमरगढी नगरपालिका डडेल्धुराको डोजर मगाई बिहीबार बिहानैबाट हिउँ पन्छाएर बाटो खुलाउन लागेको जिल्ला प्रहरी कार्यालय डडेल्धुराका प्रहरी नायव उपरीक्षक डम्बरबहादुर केसीले जानकारी दिए ।
राजमार्ग सञ्चालनको लागि डोजरसहित नेपाली सेना, सशस्त्र प्रहरी र नेपाल प्रहरीको टोलीले प्रयास गरिरहेको उनले बताए ।
