मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ कार्तिक २ मंगलबार
  • Tuesday, 19 October, 2021
नयाँ पत्रिका काठमाडौं
२०७८ असोज ५ मंगलबार १३:२६:००
Read Time : < 1 मिनेट
मुख्य समाचार डिजिटल संस्करण

ओली भन्छन्– नयाँ युगतर्फको यात्रा गन्तव्यहीन हुन पुगेको छ

Read Time : < 1 मिनेट
नयाँ पत्रिका, काठमाडौं
२०७८ असोज ५ मंगलबार १३:२६:००

नेकपा एमालेका अध्यक्ष केपी ओलीले सुरुवात हुँदै गरेको समृद्धिको यात्रामा विराम लागेको बताएका छन्। स्थायी कमिटीमा प्रस्तुत राजनीतिक प्रतिवेदनमा ओलीले बहुमतको सरकारले खडा गरेको राजनीतिक स्थिरताको आधार, सुरुवात हुँदै गरेको समृद्धिको यात्रामा आज विराम लागेको उल्लेख गरेका छन्। उनले नयाँ युगतर्फको यात्रा गन्तव्यहीन हुन पुगेको भनाइ छ।

पछिल्ला राजनीतिक घटनाहरूको अन्तर्निहित उद्देश्य विगत केही वर्षको अथक प्रयासबाट तयार गरिएको र अगाडि बढाइएको राष्ट्रिय हितको रक्षा र स्वाभिमान वृद्धिका उपलब्धिलाई उल्याउने कुरामा केन्द्रित रहेको ओलीको बुझाइ छ। उनले पछिल्ला घटनाक्रमलाई लोकतन्त्रको सुदृढीकरण र यसलाई जनताको जीवनसँग जोड्ने अभियानलाई असफल बनाउने उद्देश्यमा लक्षित भएको राजनीतिक प्रतिवेदनमा उल्लेख गरेका छन्। 

‘सारमा, जनतामा जागेको आत्मविश्वास, भरोसा र आशावादमाथि तुषारापात गर्दै त्यसै अन्याेलभित्र निहित स्वार्थ पूरा गर्ने कुरामा केन्द्रित छ,’ उनको डकुमेन्टमा भनिएको छ। ओलीले अब पार्टीलाई राज्य सञ्चालनको केन्द्रभागमा पुनर्स्थापित गर्ने बताएका छन्। उनले आगामी निर्वाचनमा एमालेलाई बहुमतप्राप्त पहिलो शक्तिका रूपमा स्थापित गर्ने भन्दै त्यसका चार आधार प्रस्तुत गरेका छन्।