मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ कार्तिक ११ बिहीबार
  • Thursday, 28 October, 2021
२०७८ श्रावण १५ शुक्रबार १०:१८:००
Read Time : < 1 मिनेट
मुख्य समाचार डिजिटल संस्करण

भीमफेदी कारागारका तीन सय ५५ कैदीबन्दीलाई कोरोना संक्रमण

Read Time : < 1 मिनेट
२०७८ श्रावण १५ शुक्रबार १०:१८:००

मकवानपुरको भीमफेदी कारागारका तीन सय ५५ कैदीबन्दीलाई एकैपटक कोरोना भाइरस संक्रमण पुष्टि भएको छ । कारागारमा कैद भुक्तान गरिरहेका ब्लक ‘क’ र ‘ख’मा रहेका नाै सय ७० जनामा एन्टिजेन परीक्षण गर्दा एकैपटक ३६.५९ प्रतिशत अर्थात् तीन सय ५५ जनामा कोरोना संक्रमण पुष्टि भएको हो । 

भीमफेदीबाट अर्को कारागार सरुवा गर्ने क्रममा ११ जना कैदीबन्दीमा संक्रमण पुष्टि भएपछि बुधबार र बिहीबार गरिएको परीक्षणमा तीन सय ५५ जनाको रिपोर्ट पजिटिभ आएको जिल्ला स्वास्थ्य कार्यालय मकवानपुरका प्रवक्ता ठाकुर पौडेलले बताए । 

संक्रमित कैदीबन्दीलाई कारागारभित्र विशेष निगरानीमा राखिने प्रमुख जिल्ला अधिकारी भरतमणि पाण्डेले बताए । हालसम्म कोराेना पुष्टि भएका संक्रमितमा कुनै पनि किसिमको लक्षण नदेखिएको स्वास्थ्य कार्यालयले जनाएको छ । 

‘हालका संक्रमितको संख्या बढ्न नदिन स्वास्थ्यकर्मीको विशेष निगरानीमा राखिएको छ,’ प्रजिअ पाण्डेले भने, ‘संक्रमित कैदीबन्दीलाई छुट्टै ब्लकमा राखिएको छ ।’