मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ श्रावण १२ मंगलबार
  • Tuesday, 27 July, 2021
२०७८ जेठ ३० आइतबार १४:३२:००
Read Time : < 1 मिनेट
समाचार डिजिटल संस्करण

चुलो निभेका ७० दलित परिवारलाई दौँतरीको सहयोग

Read Time : < 1 मिनेट
२०७८ जेठ ३० आइतबार १४:३२:००

कोरोना महामारीको दोस्रो लहर र लामो निषेधज्ञाले गर्दा खाधान्न चरम अभावमा रहेकोे विष्णु गाउँपालिका– ७ दुलबाका ७० अतिविपन्न परिवारलाई दौँतरी फ्रेन्ड्स फर फ्युचरको सहयोगमा खाद्यान्न राहत प्याकेज प्रदान गरिएको छ । भारतसँगको सीमास्थित सीमारक्षकका रूपमा रहेका दुलबाका अतिविपन्न परिवारहरूलाई भोकमरीबाट बचाउन दौँतरीले सहयोग उपलब्ध गराएको हो । 

निषेधाज्ञाका कारण ज्यालामजदुरी पनि गर्न नपाउने र ऋण गरेर मात्रै परिवार नचल्ने अवस्था भएपछि अनुसन्धानमूलक परोपकारी संस्था भोरको पहल र व्यवस्थापनमा खाद्यान्न राहत प्याकेज प्रदान गरिएको अध्यक्ष पचुलाल माझीले बताए । ‘कसैले पनि भोकले गर्दा मृत्युवरण गर्न नपरोस्, खाद्यान्न अभावमा कोही पनि भोकमरी वा कुपोषणको कुचक्रमा नपरोस् भन्ने उद्देश्यले यहाँ ७० दलित तथा अतिविपन्न परिवारलाई राहत उपलब्ध गराएका हाँै,’ उनले भने । 

खाद्यान्न राहत प्याकेजमा प्रतिपरिवार २५ किलो चामल, पाँच किलोे तरकारी, एक किलो सोयाबिन, एक लिटर खाने तेल, चारवटा साबुन, ५० पिस सर्जिकल मास्क, दाल र आयोडिनयुक्त नुन संलग्न गरिएको छ । 

तराई–मधेसको सीमान्तकृत समुदायमा पहिला पनि दौँतरी फ्रेन्ड्स फर फ्युचरले खाद्यान्न राहत तथा अन्य सहयोगमार्फत मानवीय कार्य गर्दै आएको छ ।