- वि.सं Invalid date format
सत्तारुढ एमालेका नेता तथा लुम्बिनी प्रदेशका मुख्यमन्त्री शंकर पोखरेलले जसपासँग कतिपय नीतिगत विषयमा विमति रहेको बताएका छन् । उपप्रधानमन्त्री राजेन्द्र महतोको अभिव्यक्तिप्रति आलोचना भइरहेका वेला पोखरेलले जसपा बदलिने विश्वास लिएका छन् ।
उनले सामाजिक सञ्जाल फेसबुकमा शनिबार लेखेका छन्, ‘जसपाका कतिपय नीतिसँग हाम्रा विमति हिजो पनि थिए र आज पनि छन् नै । आज जुन कुराको तीव्र विरोध भइरहेको छ, हिजो त्यो माओवादी केन्द्रको नीति हो । आज माओवादी केन्द्रको उक्त नीति बदलिएको हो भने जसपाको पनि अवश्य बदलिनेछ । तर, राष्ट्र र राज्यका बारेमा हामी हिजो पनि स्पष्ट थियौँ र आज पनि स्पष्ट नै छौँ ।’
