लुम्बिनी विकास बैंक लिमिटेडले एकैदिन ३ नयाँ शाखा सञ्चालनमा ल्याएको छि । बैंकले झापाको दमक र बिर्तामोड तथा नवलपुरको कावासोतीमा नयाँ शाखा सञ्चालनमा ल्याएको हो ।
बिर्तामोड शाखाको उद्घाटन विकास बैंकका अध्यक्ष दशरथ रिसाल तथा उद्योग वाणिज्य संघका अध्यक्ष प्रकाश सिवाकोटीले संयुक्त रूपमा गरेको जनाइएको छ ।
त्यस्तै, दमक शाखाको उद्घाटन विकास बैंकका सञ्चालक केशव खतिवडा तथा दमक नगरपालिका ६ नम्बर वडाका अध्यक्ष टेकबहादुर थापाले संयुक्त रूपमा गरेको जनाइएको छ । कावासोती शाखाको उद्घाटन बैंकका सञ्चालक चिन्तामणि भट्टराई र नवलपुर उद्योग वाणिज्य संघका अध्यक्ष डासुराज पोखरेलले संयुक्त रूपमा गरेको विकास बैंकले जनाएको छ ।
हाल यस विकास बैंकको शाखा सञ्जाल देशका सातवटै प्रदेशका २९ जिल्लामा पुगिसकेको जनाइएको छ । ०७७ चैत मसान्तसम्ममा विकास बैंकले कुल ३२ अर्ब ३ करोड रुपैयाँ कर्जा प्रवाह गरी ३४ अर्ब ९५ करोड रुपैयाँ निक्षेप संकलन गरेको जनाएको छ ।