कांग्रेस नेता एवं पूर्वमन्त्री नवीन्द्रराज जोशीलाई नेता तथा कार्यकर्ताले पार्टी कार्यालय सानेपा पुगेर श्रद्धाञ्जली दिएका छन् । कांग्रेससहित विभिन्न दलका नेता तथा कार्यकर्ता सानेपा पुगेर जोशीलाई श्रद्धाञ्जली दिएका हुन् । जोशीको ५७ वर्षको उमेरमा शुक्रबार राति ८ बजेर २४ मिनेटमा निधन भएको थियो । उच्च रक्तचापका कारण मस्तिष्कघात भएपछि जोशीलाई काठमाडौंको थापाथलीस्थित नर्भिक अस्पतालमा भेन्टिलेटरको सहायतामा उपचार गराइएको थियो । जोशीको पार्थिव शरीरलाई शनिबार बिहान अस्पतालबाट घर लगिएको थियो । त्यसपछि पार्टी कार्यालय सानेपामा राखिएको थियो ।