अर्थ प्रिन्ट संस्करण

नेपाल इन्फ्रास्ट्रक्चर बैंकद्वारा ‘नेपाल स्नेही काख’लाई सहयोग

नेपाल इन्फ्रास्ट्रक्चर बैंक लिमिटेडले कार्यकालको दोस्रो वर्ष पूरा गरी तेस्रो वर्षमा प्रवेश गरेको अवसरमा नेपाल स्नेही काख नामक संस्थालाई ३ लाख रुपैयाँ सहयोग गरेको छ ।

बैंकले संस्थागत सामाजिक उत्तरदायित्वअन्तर्गत उक्त सहयोग रकमबराबरको चेक बैंकका प्रमुख कार्यकारी अधिकृत रामकृष्ण खतिवडाले नेपाल स्नेही काखका नेहा पोखरेललाई हस्तान्तरण गरेका हुन् ।

मानसिक एवं शारीरिक रूपमा अशक्त एवं समाजबाट अवहेलनामा परेका बालबालिका, युवायुवती, वृद्धवृद्धालगायतलाई शिक्षा, स्वास्थ्य, आवाससहित हेरचाह गर्ने उद्देश्य लिई स्थापना भएको नेपाल स्नेही काखमा हाल ६५ जनाले आश्रय लिइरहेको जनाइएको छ । सहयोग रकम उक्त संस्थाले बनाउन लागेको नयाँ आश्रयस्थलको पूर्वाधार निर्माणमा खर्च हुुने बैंकले जनाएको छ ।

उक्त अवसरमा बैंकका नायब कार्यकारी अधिकृत भूपेन्द्र पाण्डे, नायब महाप्रबन्धक सूर्यबहादुर तामाङलगायतको उपस्थिति रहेको बैंकले जनाएको छ ।