- वि.सं २o७७ फाल्गुण १९ बुधबार
पूर्वप्रमुख निर्वाचन आयुक्तहरूले मुलुकको राजनीतिक प्रक्रियामा पार्न सक्ने गाम्भीर्य तथा आयोगको आफ्नै साखमा पर्न सक्ने असरलाई समेत विचार गरी प्रचलित कानुन र स्थापित नजिरहरूको आधारमा उपयुक्त निर्णय यथाशीघ्र दिन निर्वाचन आयोगसमक्ष आग्रह गरेका छन् ।
पूर्वप्रमुख निर्वाचन आयुक्तहरू सूर्यप्रसाद श्रेष्ठ, भोजराज पोखरेल, नीलकण्ठ उप्रेती, डा. अयोधीप्रसाद यादव र दोलखबहादुर गुरुङले संयुक्त विज्ञप्ति जारी गरेर यथाशीघ्र निर्णय दिन आग्रह गरेका हुन् ।
राजनीतिक दलको विवाद निरुपणमा ढिलाइ गरेको भन्दै निर्वाचन आयोगको निर्णयक्षमता र स्वायत्तताको विषयमा उठाइएका प्रश्नले गम्भीर बनाएको उनीहरूको भनाइ छ ।
सोचविचार गरेर संयुक्त धारणा सार्वजनिक गरेको पूर्वप्रमुख निर्वाचन आयुक्त यादवले बताए ।
नेकपाको आधिकारिताको विषयमा आयोगले निर्णय दिन ढिला गरेको भन्दै आलोचना भइरहेको छ । नेकपा प्रचण्ड–माधव नेपाल समूहले पटक–पटक छिटो निर्णय दिन आयोगलाई आग्रह गर्दै आएका छन् ।
यो पनि पढ्नुस
