Read Time : < 1 मिनेट
२०७७ माघ ३० शुक्रबार १६:४७:००
बृहत् नागरिक आन्दोलनले बलात्कारविरुद्ध काठमाडौंमा महिला मार्चपास्ट गरेको छ । बृहत् नागरिक आन्दोलनको तर्फबाट मोहना अन्सारी, प्रणेता, कैलाश राई, अर्चना थापा, प्रणिका कोयू, दोभान राई, रिता शाह, प्रकृति भट्टराई बस्नेत र रिता परियारलगायतले मार्चपास्टको अगुवाइ गरेका थिए । मैना सुनुवारदेखि निर्मला पन्त, अंगिरा पासीदेखि भागरथी भट्टसम्म भएको बलात्कारको सिलसिला सधैँका लागि बन्द हुनुपर्ने सहभागीहरूले बताएका छन् । मार्चपास्ट वसन्तपुर, रत्नपार्क हुँदै भद्रकालीमा पुगेर कोणसभामा परिणत भएको थियो ।