नेकपा प्रचण्ड–माधव समूहका अध्यक्ष माधवकुमार नेपालले प्रतिनिधिसभा विघटनपछि प्रधानमन्त्री केपी ओली कामचलाउ भएको बताएका छन् । प्रतिनिधिसभा सदस्य नै प्रधानमन्त्री हुने भन्दै उनले ओलीले कि कामचलाउ भन्नुपर्ने कि कुर्सी छोड्नुपर्ने बताएका हुन् ।
आफू प्रचण्डको कार्यकर्ता भनी ओलीले गरेको टिप्पणीको जवाफ दिँदै नेपालले ओरिजिनल एमाले केपी ओली नभई आफू भएको जिकिर गरे । एकीकरणपछि एमाले र माओवादी पार्टी इतिहास भइसकेको भन्दै उनले अब ती पार्टी नब्युँतिने बताए ।
नेपालले लोकतन्त्र, गणतन्त्र, संघीयता, संविधानलगायतका राजनीतिक परिवर्तनहरू संकटमा परेको भन्दै गलत कामको विरुद्ध उभिनुपर्ने बताए ।