भुटानी शरणार्थी शिविरमा सोमबार साँझ आगलागी हुँदा एक शरणार्थी वृद्धको मृत्यु भएको छ । दमक– ३ स्थित भुटानी शरणार्थी शिविर डी– ४ छाप्रो नम्बर ३२५ मा आगो लागेको हो  ।

आगलागीमा परी ६० वर्षीय शरणार्थी देशमान राईको मृत्यु भएको छ । आगलागी हुँदा उनको छाप्रो पूर्ण रूपमा जलेको जिल्ला प्रहरी कार्यालय झापाका सूचना अधिकारी प्रहरी नायब उपरीक्षक राकेश थापाले जानकारी दिए ।

आगो इलाका प्रहरी कार्यालय दमक र प्रहरी चौकी बाघखोरबाट खटिएको प्रहरी र दमक नगरपालिकाको दमकलको सहायतामा नियन्त्रणमा लिइएको थियो  । 

आगलागीबाट छाप्रो, छाप्रोभित्र रहेको सुन १ तोला, चाँदी १० तोला, नगद तिन लाख, खाद्यान्य तथा लत्ताकपडा पुर्णरुपमा जलि नष्ट भई कम्तिमा आठ लाख बराबरको क्षति भएको प्रहरीले जनाएको छ ।