मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ फाल्गुण १६ आइतबार
  • Sunday, 28 February, 2021
रमेश रावल वीरेन्द्रनगर
२०७७ पौष ५ आइतबार ०९:४५:००
Read Time : < 1 मिनेट
मुख्य समाचार प्रिन्ट संस्करण

घाँस बोक्ने संसदीय समितिका सभापतिको गाडी प्रहरी नियन्त्रणमा

Read Time : < 1 मिनेट
रमेश रावल, वीरेन्द्रनगर
२०७७ पौष ५ आइतबार ०९:४५:००

सरकारी गाडीको दुरुपयोग

कर्णाली प्रदेश सभाका अर्थ तथा प्राकृतिक स्रोत समितिका सभापति गणेशप्रसाद सिंहकोे गाडीलाई प्रहरीले नियन्त्रणमा लिएको छ ।  

प्रहरीले गाडीभित्र घाँस फेला परेपछि नियन्त्रणमा लिएको हो । सभापति सिंह चढ्ने कर्णाली प्रदेश ०२ ००१ झ ००४० नम्बरको उक्त गाडीलाई वीरेन्द्रनगर नगरपालिका– ११ भेरीबाट शनिबार घाँस बाेकेर आउँदै गर्दा सुब्बाकुनामा ट्राफिक प्रहरीले नियन्त्रणमा लिएको हो । 

शनिबारको दिन त्यसमा पनि सरकारी गाडीले घाँस बोकेर आएको देखेपछि ट्राफिक प्रहरीले नियन्त्रणमा लिएको जिल्ला प्रहरी कार्यालय सुर्खेतले जनाएको छ । 

सभापति सिंहले गाडी आफ्नो छोरालाई नेपालगन्ज विमानस्थल पुर्‍याउन गएको र आफू सुर्खेतस्थित पश्चिम बराहतालको बड्डीचौरमा भएको जानकारी दिए । ‘गाडी छोरालाई पुर्‍याउन शनिबार बिहान गएको थियो, म योजना आयोगको गाडीमा बड्डीचौर आएको छु,’ उनले भने, ‘बाटोमा फर्किँदा ड्राइभरले घाँस बोकेर ल्याएको  हुन सक्छ ।’

प्रदेश सभा संसदीय समितिको सभापतिको हैसियतमा सिंहलाई यातायात सुविधाका लागि सरकारले गाडी प्रदान गरेकाे हो ।