- वि.सं २o८१ बैशाख २४ सोमबार
जनता समाजवादी पार्टी (जसपा) की सांसद चन्दा चौधरीले काठमाडौंमा जारी किसान आन्दोलनप्रति समर्थन जनाएकी छिन् ।
शनिबार काठमाडौंको माइतीघरस्थित आन्दोलनस्थलमा पुगेर सांसद चौधरीले समर्थन जनाएकी हुन् । उनले किसानको माग तत्काल पूरा गर्न सरकारसँग आग्रह गरिन्।
उनले किसानको भुक्तानी नगर्ने उधोगीलाई तत्काल कानुनी दायरामा ल्याउन माग गरिन् ।
सांसद चौधरीले कृषिप्रधान देशमा किसानले आफ्नो पसिनाको मूल्य लिन आन्दोलन गर्नुपर्ने स्थिति आउनु दुर्भाग्यपूर्ण भएको बताइन् । सोही अवसरमा उनले आन्दोलित किसानहरूलाई कम्बल वितरण गरेकी थिइन् ।
